由亚视OTT平台「亚洲心动娱乐」制作的自家剧《逐流时代》已于日前启播，除了比坚尼上阵的麦明诗成功制造出不少话题之外，她与黄德斌的激咀戏同样受到关注。但其实入行超过30年嘅黄德斌对拍摄激咀戏可以话系经验丰富，连 *** 都一样驾驭得到！即重温黄德斌历年拍戏艳福！
阅读全文《逐流时代》黄德斌激咀麦明诗成焦点
亚视嘅OTT平台推出自家剧《逐流时代》已于日前播出，唔少观众认为呢集最有睇头嘅系麦明诗著比坚尼上水，睇到麦子乐眼都唔眨，劲夸张。麦明诗仲喺社交网 hashtag咗麦子乐：「有人成世未见过女人」。咁麦子乐要跟黄德斌学吓嘢喇！事关黄德斌日前出席宣传活动，提起喺同剧激咀麦明诗，佢系话全完冇压力，果然见惯世面！入行逾30年，同咁多女演员合作过，原来真拍过唔少 *** 戏。
更多：逐流时代｜麦明诗与麦子乐「天台激战」过程短暂 肉色底裤上阵极速完事
盘点黄德斌拍过嘅 *** 戏
1）无线《婚姻合伙人》黄德斌连咀两女
黄德斌喺《婚姻合伙人》饰演霸气总裁邢呇，同俏护士汤洛雯互生情愫，媾女媾到极致嘅黄德斌仲频频使出冧招，喺汤洛雯反表白𠮶集，两人喺更衣室情不自禁激咀，足足十秒嘅咀嘴戏，仲成为咗当时汤洛雯入行以嚟最激嘅戏，剧集出街𠮶阵，汤洛雯仲话唔好意思叫父母睇，成为观众茶余饭后嘅话题。
黄德斌先咀汤洛雯，后啜高海宁
黄德斌喺《婚姻合伙人》相当有艳福，除咗咀过汤洛雯，仲有场泳池中激吻高海宁嘅戏，高海宁𠮶阵坦言以前拍咀戏会怕丑脸红，搞到频频NG，𠮶次就被导演点醒咗，一Take过就完成，可想而知几瞓身几投入。
2）无线《珠光宝气》黄德斌床战邵美琪
《珠光宝气》话晒系豪门恩怨剧，角色人物关系一定好复杂，剧中饰演同性恋嘅黄德斌实质就暗恋好友兼拍档林保怡，之后又同情敌邵美琪假结婚。其中有一场戏，讲邵美琪借醉生擒黄德斌，由酒吧 *** 到上房，但黄德斌就十分唔情愿，系咁推开对方，不过又揽又锡，气氛相当 *** 。
3）无线《心战》黄德斌激吻简慕华
曾经被观众评为神剧嘅《心战》，简慕华同黄德斌都系饰演陈豪嘅心魔，造型相当抢镜，德斌嘅《 V煞》look迷死一班叔叔控妹妹。而简慕华系代表住陈豪嘅「欲望」，所以有唔少大胆演出，好在简慕华同黄德斌私下好熟，所以拍咀戏当日都唔会尴尬。
4）张敬轩《俏郎君》MV激战半祼周家怡
张敬轩嘅MV向来都拍得好有心思，黄德斌同周家怡喺《俏郎君》中饰演一对遇上夺命车祸嘅夫妻，故事系想表达经历过生死关头后，互相扶持就可白头到老。既然系咁，点少得「夫妻生活」嘅剧情，两人唔止有 *** 床戏，周家怡仲半裸演出，非常敬业。
5）电影《聊斋艳谭三灯草和尚》肉搏陈宝莲
黄德斌入行无耐为生计，喺 *** 盛行嘅市场环境下，佢亦接拍咗《聊斋艳谭三灯草和尚》，同对手肉搏连场。故事主要系讲黄德斌因为爱上画中嘅陈宝莲，所以揾和尚施法抱得美人归，票房近千万；而另一套情欲戏《满清十大酷刑》都有佢份。之不过，黄德斌喺拍完 *** 之后竟收到无线嘅大信封，仲导致情绪压抑，黄德斌后来耗不少心力同时间先走出抑郁。
6）《大叔的爱》黄德斌强吻Edan
最后不得不提去年红到返日本嘅ViuTV《大叔的爱》，剧中黄德斌由暗恋到明恋吕爵安，甚至与结婚多年嘅简慕华离婚，最后无奈让爱畀卢瀚霆。黄德斌反串man爆形象，佢对吕爵安想入非非嘅爱慕之情仲变得好有喜感，角色深受欢迎。
常见问题
《逐流时代》黄德斌对与麦明诗的激咀戏有何感受？
黄德斌入行逾30年，以往演出过更多⋯⋯详情请看
黄德斌曾与那些性感女星合作亲热戏？
不得不提黄德斌于《婚姻合伙人》中连咀两女⋯⋯详情请看
